Tag Archives: သတင်းမှတ်စု

၎ လ အတွင်း ဂုံးကျော်တံတားများ အပြီးတည်ဆောက်သွားမည်။

လူဦးရေ ၆ သန်းမှ ၇ သန်းအထိ နေထိုင်လျက်ရှိသော ရန်ကုန်မြို့အား စင်ကာပူနိုင်ငံကဲ့သို့ ဖြစ်အောင် လုပ်ဆောင်ရန် နိုင်ငံတော်သမ္မတ ဦးသိန်းစိန်မှ လမ်းညွှန်ထားကြောင်း အမှတ်(၁)၊(၂) စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းက နိုဝင်ဘာလ ၂၈ ရက်နေ့က ကျင်းပသော မီဒီယာများနှင့် တွေ့ဆုံပွဲတွင် ပြောကြားခဲ့ပါသည်။

နိုဝင်ဘာလ ၂၈ ရက်နေ့က နေပြည်တော်ရှိ အမှတ်(၂)စက်မှုဝန်ကြီးဌာန အစည်းအဝေးခန်းမတွင် ကျင်းပသည့် သတင်းမီဒီယာများနှင့် တွေ့ဆုံပွဲ၌ အမှတ်(၁)၊(၂) စက် မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းက ရန်ကုန်မြို့ရှိ ယာဉ်ကြောကျပ်တည်းလျက် ရှိနေသော လှည်းတန်း၊ ရွှေဂုံတိုင်၊ ဘုရင့်နောင် နှင့် တာမွေ(၅ လမ်းခွ)လမ်းဆုံများ တွင် ဂုံးကျော်တံတားများ တည်ဆောက်သွားမည် ဖြစ်ကြောင်းကိုလည်း ထည့်သွင်းပြောကြားခဲ့ပါသည်။

 ၄ လနဲ့ အပြီးဆောက်မယ့် ဂုံးကျော်များ

လှည်းတန်း၊ ရွှေဂုံတိုင်၊ ဘုရင့် နောင်နှင့် တာမွေ(၅ လမ်းခွ)လမ်း ဆုံများတွင် ဂုံးကျော်တံတားများ တည်ဆောက်ရာတွင် ၄ လအတွင်း အပြီးတည်ဆောက်မည်ဖြစ်ပြီး နိုင်ငံတော်အစိုးရ ဘတ်ဂျက်မှ ထုတ်ယူ သုံးစွဲတည်ဆောက်မည် မဟုတ်ပဲ ပြည်တွင်းရှိ ဘဏ်များငွေချေးယူ၍ လည်းကောင်း၊ တာဝန်ယူ တည်ဆောက်မည့် ကုမ္ပဏီမှ စိုက်ထုတ်သုံးစွဲ၍ လည်းကောင်း တည်ဆောက်မည် ဖြစ်သည်ဟုလည်း သိရသည်။

“နိုင်ငံတော်သမ္မတကြီးက ပြောကြားပါတယ်။ ရန်ကုန်မြို့ကြီးကို စင်ကာပူလို ဖြစ်အောင် ခင်ဗျားတို့ ကြိုးစားညှိနှိုင်းပြီး လုပ်ကြည့်ပါ။ ကိုယ့်အခြေအနေနဲ့ကိုယ် ကိုက်အောင်လုပ်ပါလို့ ပြောထားတယ်။ အခု ကျွန်တော်ပြောချင်တာက ကမာရွတ်လှည်းတန်းမှာ Traffic တွေ များလာလို့ ဂုံးကျော်တံတားကိုလာ မယ့်လေးလအတွင်းအပြီးလုပ်မယ်။ အလားတူ ရွှေဂုံတိုင်၊ တာမွေ ၅ လမ်းခွဆုံနဲ့ ဘုရင့်နောင်လမ်းဆုံမှာ လုပ်မယ်။ အကယ်၍ လေးလနဲ့အ ပြီးလုပ်မယ်ဆိုပြီး မပြီးရင်လည်း လူထုကို ကျွန်တော်တို့တောင်းပန် ရမှာပေါ့။ ခင်ဗျားတို့မြန်မြန်လေး လုပ်ပေးပါ။ Traffic သိပ်ကြပ်နေတယ်လို့ နိုင်ငံတော်သမ္မတကြီးက ပြောတယ်။ ကျွန်တော်ရန်ကုန်ကို သွားတုန်းကဆိုရင် မီးပွိုင့်မှာ သုံးလေးခါမိ အချိန်တော်တော်ကြာသွား တယ်။ ကျွန်တော်ကတော့ ဖုန်းရှိလို့ အလုပ်လုပ်လို့ရတယ်။ အလုပ်သမားတွေက အလုပ်ကပြန်ပြီး အိမ်ရောက်မှ ထမင်းချက်ရမယ့်သူမျိုး တွေအတွက်ဆိုရင်တော့ အရမ်းကြန့်ကြာနေလို့ မဖြစ်ဘူး။ အိမ်ကိုလည်း ပြန်ချင် မီးပွိုင့်ကလည်း အကြာကြီး မိမိနေတော့ အလုပ်သမားတွေ အတွက် အဆင်မပြေဘူး။ ထို့အတူ ဘုရင့်နောင်တံတားမှာလည်း ယာဉ်တွေကြပ်နေလို့ ဘုရင့်နောင်တံတားရဲ့မလှမ်းမကမ်းမှာ တံတားတစ်ခု ထပ်ထိုးမယ်။ ဒါကတော့ လေးလ နဲ့မပြီးဘူး။ တစ်နှစ်လောက်လည်း ကြာရင်ကြာမယ်။ အလားတူပဲ ရထားလမ်း ကွန်ယက်ကိုလည်း ရန်ကုန်မှာဆောင်ရွက်မယ်၊ ကားလမ်း ကွန်ယက်လည်း လုပ်မယ်။ လွတ်လပ်ရေးရပြီး ကာစကဆိုရင် စင်ကာပူက ကျွန်တော်တို့နိုင်ငံကို လာကြည့်ရတယ်။ အခုကျွန်တော်တို့က ပြန်ကြည့်ရတော့မယ်။ ကိစ္စမရှိပါဘူး။ ကောင်းတာတွေ ယူရမယ်။ အခုလက်ရှိ ရန်ကုန်မြို့ရဲ့လူဦးရေက ၆ သန်း နဲ့ ၇ သန်းရှိလာတဲ့အခါမှာ မြို့ပြင်ကနေ အလုပ်လုပ်ဖို့ သွားလိုက်ပြန်လိုက် သွားလာနေရတဲ့ အလုပ်သမားတွေ အဆင်ပြေဖို့ ကျွန်တော်တို့ကုစားနေပါတယ်။ ကုစားတဲ့အလုပ်စပြီ လို့ပြောချင်တယ်။ ဂုံးကျော်တံတား တွေ အများကြီး ဖြစ်သင့်တာပေါ့။ လတ်တလောတော့ ၄ လလောက် အတွင်းမှာ ဂုံးကျော်တံတား ၄ ခုကို အမြန်ပြီးအောင်လုပ်မယ်။ ဂုံးတံတား တွေကို Pre card  စနစ်နဲ့လုပ်ဖို့ စီစဉ်ထားတယ်”ဟု အမှတ် (၁)၊(၂) စက် မှု ၀န်ကြီးဌာနပြည်ထောင်စုဝန်ကြီး၊  မြန်မာနိုင်ငံရင်း နှီးမြှုပ်နှံမှုကော်မရှင် MIC ဥက္ကဋ္ဌ ဖြစ်သူ ဦးစိုးသိန်းက ပြောကြားခဲ့သည်။

ဆက်လက်၍ ၎င်းက “လှည်းတန်းဂုံးကျော်အတွက် ကမ္ဘောဇ ဘဏ်က ငွေချေးယူပြီး လုပ်မယ်။ တာမွေ ၅ လမ်းဆုံအတွက် ကျွန်တော်တို့ စက်မှုဘဏ်ကချေးယူပြီး လုပ်မယ်။ ရွှေဂုံတိုင်နဲ့ ဘုရင့်နောင် လမ်းဆုံဂုံးကျော်တွေ အတွက်ကတော့ တာဝန်ယူမယ့် ကုမ္ပဏီက အရင်းစိုက်ထုတ်လုပ်မယ်။ B.O.T စနစ်နဲ့ လုပ်သွားမှာပါ။ တည်ဆောက်တဲ့အခါ လမ်းတွေကို ပိတ်ပြီးမဆောက်ဘူး။ မလှမ်းမကမ်းမှာ တံတား အချပ်တွေကို အရင်လုပ်မယ်။ ပြီးရင် ဂုံးကျော်ဆောက်မယ့်နေရာမှာ ပိုင်တွေရိုက်ပြီး ကရိန်းတွေနဲ့ တပ်ဆင်မှာ ဖြစ်လို့ လမ်းလည်းမပိတ်တော့ဘူး”ဟု ပြောကြားခဲ့သည်။

 

မိုးပျံရထားလမ်းအတွက် စင်ကာပူနဲ့ချိတ်ပြီး ရင်းနှီးမြှုပ်နှံသူရှာ

ရန်ကုန်တွင် မိုးပျံရထားလမ်း တည်ဆောက်ရန်အတွက်လည်း စင်ကာပူနှင့် ချိတ်ဆက်ကာ ရင်းနှီးမြှုပ်နှံမည့်သူ ရှာဖွေနေပြီဖြစ်ကြောင်း၊ မြို့ပတ်ရထားလမ်း ကွန်ယက်အား တာဝန်ယူလုပ်ကိုင်မည့် လုပ်ငန်းရှင်များ ရှိပါကလည်း လာရောက်ဆွေးနွေး ရယူလုပ်ကိုင်နိုင်ကြောင်း သိရသည်။

“စင်ကာပူနဲ့ချိတ်ဆက် ပြီးတော့လည်း Sky Rail လုပ်ဖို့ Investment  လုပ်ဖို့ ရှာဖွေနေပါပြီ။ စင်ကာပူ သံအမတ်ကြီးကိုလည်း ပြောကြားထားပြီးပါပြီ။ မြို့ပတ်ရထားလမ်း လုပ်ကိုင်လိုတဲ့ လုပ်ငန်းရှင်တွေလည်း လာရောက်ဆွေးနွေးပြီး ရယူလုပ်ကိုင်မယ်ဆို ခွင့်ပြုပေးသွားဖို့ ရှိပါတယ်”ဟု အမှတ်(၁)၊(၂) စက် မှုဝန်ကြီးဌာန ပြည်ထောင်စုဝန်ကြီး၊  မြန်မာနိုင်ငံရင်းနှီးမြှုပ်နှံမှု ကော်မရှင MIC ဥက္ကဋ္ဌဖြစ်သူ ဦးစိုးသိန်းက ပြောကြားခဲ့သည်။

 

လမ်းပျက်တွေကိုလည်းပြင် ရေဆိုးစွန့်ထုတ်တဲ့ စနစ်ကိုလည်းပြင်၊ ကားပါကင် ပြဿနာပါ ဖြေရှင်းမယ့် ရန်ကုန်

ရန်ကုန်မြို့တွင်းအပြင် မြို့ပြင် မြို့နယ်များရှိ လမ်းပျက်များကိုလည်း ပြင်ဆင်ရန် ညှိနှိုင်းထားကြောင်း နှင့် ရေဆိုးစွန့်ထုတ်စနစ်၊ မိလ္တာစနစ်မှအစ ပြန်လည်ပြင်ဆင်သွားမည် ဖြစ်ကြောင်းလည်း သိရသည်။

“ပျက်နေတဲ့ လမ်းတွေအမြန် ပြင်ဆင်မယ်။ သာကေတတို့လို မြို့ပြင်ဘက်က ပျက်နေတဲ့ လမ်းတွေကိုလည်း အမြန်ပြင်ဖို့အတွက် ရန်ကုန်တိုင်းဒေသကြီး ၀န်ကြီးချုပ်ရယ်၊ မြို့တော်ဝန်ရယ်နဲ့ ညှိနှိုင်းပြီးအမြန်လုပ် သွားမယ်။ ကျွန်တော့်ဘက်က မြို့ တော်ဝန်ကို ညှိနှိုင်းထားတယ်။ နေ့ လည်ဘက်မှာ လမ်းတွေမပြင်ပါနဲ့  ညပိုင်းပဲပြင်ဖို့။ နေ့လည်ဘက်ပြင်တယ်ဆိုရင် ယာဉ်ကြောတွေ ပိတ်နေလို့ အလုပ်တွေတော်တော် ပျက်တယ်။ ဂျပန်၊ အင်္ဂလန်တို့ဆိုရင် ည သန်းခေါင်ကျော်မှပြင်တယ်။ ဒါတွေကိုလည်း စတင် အကောင်အထည်ဖော်မယ်။ နောက်ပြီးတော့ ရန်ကုန် မြို့အတွက် သန့်ရှင်းတဲ့ သောက်သုံးရေရရှိဖို့လည်း ဆောင်ရွက်မယ်။ နီးနီးနဲ့လွယ်လွယ်၊ ရေသန့်သန့်ရဖို့ ဆောင်ရွက်သွားမယ်။ ရန်ကုန်မြို့ ဟာ လွန်ခဲ့တဲ့ အင်္ဂလိပ်လက်ထက် ကတည်းက တည်ဆောက်ခဲ့တာဆိုတော့ အခုကျွန်တော်တို့ သန့်ရှင်း သပ်ရပ်အောင် လုပ်တော့မယ်။ ပြည်ပက အကူအညီရရင်လည်း ယူပြီး လုပ်သွားမယ်။ ရေဆိုးစွန့်ထုတ်တဲ့ စနစ်ဆိုရင် ပျက်နေတာတွေကို မပြင်တော့ဘူး အသစ်ပဲ လုပ်တော့မယ်။ ကားပါကင်ထားဖို့ အတွက်လည်း လုပ်ဆောင်ဖို့စီစဉ်ထားပါပြီ” ဟု လည်း ဆက်လက်ပြောကြားခဲ့ပါ သည်။

 

ပင်စင်ယူပြီး အိမ်ပိုင်မရှိသည့် ၀န်ထမ်းများ မဖြစ်စေရေး ၀န်ထမ်းအိမ်ရာသစ်များ တည်ဆောက်မယ့် အစီအစဉ်ကောင်းပါရှိ

“၀န်ထမ်းတွေ အသက် ၆၀ ကျော်လို့ ပင်စင်ယူပြီးရင် အိမ်မ၀ယ်နိုင်တာ များပါတယ်။ အဲဒီလိုမဖြစ်ဖို့တွက် ရန်ကင်းမှာလို ကျွန်တော်တို့ ၀န်ထမ်းအိမ်ရာတွေပါ တည်ဆောက် ပေးတဲ့ အစီအစဉ်လည်းပါ ပါတယ်။ မြို့ထဲမှာတော့ မရနိုင်ဘူး ဒါပေမယ့် သင့်တော်တဲ့နေရာရှာပြီး ဆောက်မှာပါ။ ၀န်ထမ်းတွေက လစဉ်ပေးရင်း ပေးရင်းနဲ့အပိုင် ဖြစ်သွားမယ့်မှာပေါ့။ အခုလိုလုပ်ရင် အိမ်ပိုင်လည်းရသွား မှာပေါ့”ဟု MIC ဥက္ကဋ္ဌ ဦးစိုးသိန်းက ပြောကြားခဲ့သည်။

ရန်ကုန်မြို့တော်တွင် နောက်ပိုင်း၌ စင်ကာပူကဲ့သို့ပင် ယာဉ်လိုင်းများနှင့် ယာဉ်စီးခပေးသည့် စနစ်များ အထိပါ တစ်ဆင့်ချင်းတစ်ဆင့်ချင်း ပြင်ဆင်လုပ်ဆောင်ရင်းဖြင့် ရန်ကုန်အား ကုစားပေးမည် ဖြစ်သည်ဟု ပြောကြားခဲ့သည်။

 

ရန်ကုန်အတွက် အဓိကကျတဲ့ Yangon City Development Plan ရေးဆွဲပြီး လုပ်မယ်

ရန်ကုန်မြို့ကုစားရေးအတွက် အဓိကကျသည့် Yangon City Development Plan အား ရေးဆွဲကာ အဆိုပါ Plan  အတိုင်း ပြည်တွင်း ပြည်ပ အကူအညီများဖြင့် လုပ်ကိုင်သွားမည် ဖြစ်ကြောင်း သိရသည်။

“Yangon City Development Plan  ကိုရေးဆွဲပြီး လုပ်မှာ။ ရန်ကုန်တိုင်းဒေသကြီး အစိုးရအဖွဲ့၊ ရန်ကုန် မြို့တော်စည်ပင်တို့ ရှိပြီးဖြစ်တဲ့အတွက် သူတို့တွေနဲ့ ရေးဆွဲ လုပ်ဆောင်မှာပါ။ အဓိကျတာက Yangon City Development Plan ပါ” ဟု ၎င်းက ဆက်လက်ရှင်းပြခဲ့သည်။

CREDIT: Weekly Eleven

တောက်တီးတောက်တဲ့

တောက်တဲ့သတင်း မှားယွင်းကြောင်း 7DAY ဖြေရှင်း

နယူးဒေလီ(မဇ္ဈိမ) ။ ။

ဂျာနယ်တွင် ဖော်ပြခဲ့သည့် ကျပ်သိန်းပေါင်း တသောင်းခုနှစ်ထောင်တန် တောက်တဲ့ သတင်းပါ ဓါတ်ပုံနှင့် သတင်းအချက်အလက်အများစုမှာ တောက်တဲ့အဝယ်တော်တဦး၏ လုပ်ကြံပြောဆိုမှုသာဖြစ်၍ သတင်းမှားယွင်းခဲ့ကြောင်း ပြည်တွင်းထုတ် 7 DAY သတင်းဂျာနယ်က ပြောဆိုသည်။ “သုံးပေခွဲကျော်ရှိ တောက်တဲ့ တကောင် ကျပ်သိန်းပေါင်း တသောင်းခုနစ်ထောင်ဖြင့် ဝယ်ယူ”ဟူသည့် ခေါင်းစဉ်ဖြင့် နိုဝင်ဘာလ ၁၀ ရက်နေ့ထုတ် ဂျာနယ်မျက်နှာဖုံး၌ ဓါတ်ပုံနှင့်တကွဖော်ပြခဲ့ရာ ယင်းသတင်း မှားယွင်းသဖြင့် စာဖတ် ပရိတ်သတ်အား တောင်းပန်ကြောင်း အင်္ဂါနေ့တွင် မြန်မာနိုင်ငံတွင်း အရောင်းရဆုံးဂျာနယ်တခုဖြစ်သည့် 7 DAY ၏ လူမှုကွန်ယက်အင်တာနက် စာမျက်နှာ Facebook ၌ ရေးသားထားသည်။ စစ်ကိုင်းတိုင်းဒေသကြီး ကျောက်ဆည်ကျေးရွာတွင် ဖြစ်ပေါ်ခဲ့သည့် တောက်တဲ့ရောင်းဝယ်မှုတွင် တောက်တဲ့ အဝယ်တော် ဆိုသူက အင်တာနက်တွင် ဖော်ပြထားသည့် ထိုင်းနိုင်ငံမှ တောက်တဲ့ဓာတ်ပုံအား ကုန်သည်ထံ ပြသခဲ့ကြောင်းနှင့် ကုန်သည်ကလည်း ယုံကြည်သည့်အတွက် ကျပ်သိန်းပေါင်း တသောင်းမှ စတင်ပေးခဲ့သည်။ ယင်းနောက် ဈေးမတည့်သည့်အတွက် ကျပ်သိန်းပေါင်း တသောင်း ငါးထောင်အထိ ဈေးတိုးပေးခဲ့ရာ ပွဲစားက တခြား သူတဦးအား ကျပ်သိန်းပေါင်း တသောင်းခုနစ်ထောင်ဖြင့် ရောင်းချခဲ့ပြီးဖြစ်ကြောင်း ပြောဆိုခဲ့သည်ဟု ကုန်သည်၏ ပြောဆိုမှုကို သတင်းယူ ရေးသားခဲ့ခြင်းဖြစ်သည်။ ယင်းကုန်သည်မှာ ယခင်ကတည်းပင် ဂျာနယ်သို့ သတင်းပေးကူညီခဲ့ပြီး ယုံကြည်ရသည့် သတင်းရင်းမြစ် ဖြစ်သည့် အတွက် ရေးသားခဲ့ခြင်းဖြစ်ကာ၊ ကုန်သည်မှ ကျပ်သိန်း ငါးသောင်းအထိ ဈေးပေးဝယ်ယူခဲ့ သည်မှာလည်း မှန်ကန်ကြောင်း 7 DAY ဂျာနယ်က ပြန်လည်ဖြေရှင်းထားသည်။ သတင်းဖော်ပြရာတွင် တိကျ ခိုင်မာရန် အတွက် ကွင်းဆင်းလေ့လာမှု မရှိဘဲ ဖော်ပြခဲ့ခြင်းဖြစ်ကြောင်းနှင့် လုပ်ကြံ ရေးသားခြင်း မဟုတ်ကြောင်းလည်း ဖြေရှင်းချက်တွင် ပါရှိသည်။ ဂျာနယ်တွင် သတင်းပါရှိစဉ်က စာဖတ်သူများအကြား ငြင်းခုံဝေဖန်မှုများရှိခဲ့ပြီး အင်တာနက်စာမျက်နှာများနှင့် Facebook စာမျက်နှာတွင်လည်း ရေပန်းစားခဲ့သေးသည်။

တောက်တဲ့ တစ်ကောင် ကျပ်သိန်းပေါင်း တစ်သောင်းခုနစ်ထောင်

၃ ပေခွဲကျော်ရှိ တောက်တဲ့ကို ကျပ်သိန်းပေါင်း တစ်သောင်းခုနစ်ထောင်ဖြင့် ဝယ်ယူ

အဆိုပါ တောက်တဲ့အား မန္တလေးဒေသခံ တရုတ်ကုန်သည်များက ဝယ်ယူခြင်းဖြစ်ပြီး တောက်တဲ့၏ ၃ ရက်တစ်ကြိမ် အန်ထုတ်သော အန်ဖတ်အား ဆေးဖော်ရာတွင် အသုံးပြုကြောင်း သိရ

စစ်ကိုင်းတိုင်းဒေသကြီး ကျောက်ဆည်ကျေးရွာတွင် တောက် တဲ့ တစ်ကောင်ကို ကျပ်သိန်းပေါင်း တစ်သောင်းခုနစ်ထောင်ဖြင့် အောက်တိုဘာ ၃၀ ရက်က အရောင်းအဝယ်ဖြစ်သွားကြောင်း သတင်းရရှိသည်။ “ကျောက်ဆည်ရွာက တောက်တဲ့တော့ မဟုတ်ဘူး။ အဲဒီရွာကိုယူပြီး အရောင်းအဝယ်ဖြစ်တာ တောက်တဲ့အရှည်က ၃ ပေခွဲရှိတယ်။ အလေးချိန်က တစ်ပိဿာလေးဆယ်ကျပ်သားရှိတယ်”ဟု မျက်မြင်သက်သေတစ်ဦးကဆိုသည်။

အဆိုပါ တောက်တဲ့အား မန္တလေးဒေသခံ ကုန်သည်တစ်ဦးက ကျပ်သိန်းပေါင်းတစ်သောင်းဖြင့် ဝယ်ယူရန် ကနဦးကမ်းလှမ်းခဲ့သည်ဟု မန္တလေးဒေသခံ တောက်တဲ့ကုန်သည်တစ်ဦးက ဆိုသည်။ “ကျပ်သိန်းပေါင်း တစ်သောင်းပေးတာ မရောင်းလို့ သိန်းငါးသောင်းပေးမယ် သွားကမ်းလှမ်းတော့ ရောင်းပြီးကြောင်း သိလိုက်ရတယ်”ဟု အဆိုပါ ဒေသခံ ကုန်သည်ကဆိုသည်။

အဆိုပါ တောက်တဲ့အား မန္တလေးဒေသခံ တရုတ်ကုန်သည်များက ဝယ်ယူခြင်းဖြစ်ပြီး တောက်တဲ့၏ ၃ ရက်တစ်ကြိမ် အန်ထုတ်သော အန်ဖတ်အား ဆေးဖော်ရာတွင် အသုံးပြုကြောင်း သိရသည်။ ဈေးကွက်တွင် ၂၅ ကျပ်သားအထက် အလေးချိန်ရှိသော တောက်တဲ့များကို မန္တလေးမြို့၌ အခြေစိုက်၍ လိုက်လံဝယ်ယူနေကြောင်း သတင်းရရှိသည်။

Credit: 7Day News Journal / Planet News

သတင်းအတိုအထွာ

၇ နိုဝင်ဘာ ၂၀၁၁ – ၁၃ နိုဝင်ဘာ ၂၀၁၁

အမေရိကန်နဲ့ ပစိဖိတ်ရပ်ဝန်း ၈ နိုင်ငံ ကုန်သွယ်ရေး သဘောတူညီချက်ရရှိ

(နိုဝင်ဘာလ ၁၂၊ ၂၀၁၁)
အမေရိကန် ပြည်ထောင်စု ဟာဝိုင်အီပြည်နယ် ဟိုနိုလူလူကျွန်းမှာ ၂ ရက်ကြာကျင်းပနေတဲ့ APEC လို့ခေါ်တဲ့ အာရှ ပစိဖိတ်ဒေသ စီးပွားရေးပူးပေါင်းဆောင်ရွက်မှုအဖွဲ့ရဲ့ ထိပ်သီးဆွေးနွေးပွဲမှာ အမေရိကန်၊ သြစတြေးလျ၊ ဘရူနိုင်း၊ ချီလီ၊ မလေးရှား၊ နယူးဇီလန်၊ ပီရူး၊ စင်္ကာပူနဲ့ ဗီယက်နမ်နိုင်ငံတွေပါဝင်တဲ့ လွတ်လပ်စွာကုန်သွယ်ရေးဇုံတစ်ခု ဖန်တီးသွားဖို့  သဘောတူညီချက်ကတော့ အသေအချာကို ရခဲ့ပါပြီလို့ဆိုပါတယ်။

ဒီသဘောတူညီချက်ကြောင့် တနိုင်ငံနဲ့တနိုင်ငံ အပြန်အလှန် ကုန်သွယ်ရေးတွေ၊ ရင်းနှီးမြှုပ်နှံမှုတွေကို ဆက်စပ်ပြီး လုပ်ကိုင်ကြခြင်းအားဖြင့် အဖွဲ့ဝင်နိုင်ငံတွေရဲ့ လူနေမှုအဆင့်အတန်းတွေ မြင့်မားလာမှာဖြစ်သလို ဆင်းရဲမှုတွေကိုလည်း လျှော့ချသွားနိုင်လိမ့်မယ်၊ အလုပ်အကိုင်သစ်တွေလည်း ပိုပြီးဖန်တီးလာနိုင်လိမ့်မယ်လို့ ယုံကြည်တဲ့အကြောင်း နိုင်ငံခေါင်းဆောင်တွေက ပြောပါတယ်။

ကိုးကား။ http://www.voanews.com/burmese/

 

ဆီးရီးယားကို အာရပ်အဖွဲ့ချုပ်ဝင်အဖြစ်က ရပ်ဆိုင်း

(၁၂  နိုဝင်ဘာ ၂၀၁၁)
ဆီးရီးယားမှာ ဆန္ဒပြပွဲတွေကို အကြမ်းဖက်ဖြိုခွင်းခြင်း မပြုတော့ပါဘူးလို့ သမ္မတ ဘက်ရှာအယ်လ်အဆဒ် (Bashar al-Assad) ရဲ့ အစိုးရက ကတိပြုထားတာကို အကောင်အထည် မဖော်မချင်း ဆီးရီးယားကို အာရပ်အဖွဲ့ချုပ်ဝင်နိုင်ငံ အဖြစ်ကနေ ရပ်ဆိုင်းထားမယ်လို့ ဒီကနေ့ ကိုင်ရိုမြို့တော်မှာကျင်းပတဲ့ အာရပ်အဖွဲ့ချုပ် ထိပ်သီးအစည်းအဝေးကနေ ကြေညာလိုက်ပါတယ်။

ဆီးရီးယားနိုင်ငံမှာရှိတဲ့ အာရပ်နိုင်ငံအားလုံးက သံအမတ်ကြီးတွေကို ပြန်လည်ခေါ်ယူပြီး အာရပ်နိုင်ငံတွေ အနေနဲ့ ဆီးရီးယားကို စီးပွားရေးအရ အရေးယူပိတ်ဆို့ဒဏ်ခတ်တာတွေ ချမှတ်ဖို့ အာရပ်အဖွဲ့ချုပ်က တောင်းဆိုလိုက်ကြောင်းလည်း ကာတာ ၀န်ကြီးချုပ်က သတင်းထောက်တွေကို ပြောဆိုခဲ့ပါတယ်။

ပြီးခဲ့တဲ့မတ်လက စပြီး ဆီးရီးယားမှာ အစိုးရဆန့်ကျင် ဆန္ဒပြသူတွေကို လုံခြုံရေးတပ်ဖွဲ့တွေက ပစ်ခတ်နှိမ်နင်းခဲ့လို့ လူပေါင်း ၃ ထောင်ကျော် သေဆုံးခဲ့ရတာမှာ မနေ့က နိုဝင်ဘာလ ၁၁ ရက်နေ့က ပစ်ခတ်နှိမ်နင်းမှုကတော့ တနိုင်ငံလုံးမှာ အနည်းဆုံး လူ ၂၆ ဦး သေဆုံးခဲ့ရတာကြောင့် မယုံနိုင်စရာ ရက်စက်လှတဲ့ သောကြာနေ့လို့ ဒီကနေ့ကျင်းပနေဆဲ အာရပ်အဖွဲ့ချုပ်ဝင် ၀န်ကြီးတွေရဲ့ အစည်းအဝေးကနေ ပြောဆိုလိုက်ပါတယ်။

ကိုးကား။ http://www.voanews.com/burmese/

 

မင်းပြား မြို့မဈေးတခုလုံး မီးလောင်ပြာကျ၊ သိန်းပေါင်း သောင်းချီ၍ ဆုံးရှုံး

(၁၂ နိုဝင်ဘာ ၂၀၁၁)
ရခိုင်ပြည်နယ် မင်းပြားမြို့တွင် ယနေ့(နိုဝင်ဘာလ ၁၂ရက်နေ့) ညနေ ၇နာရီ အချိန်ခန့်တွင် မီးလောင်မှုတခုဖြစ်ပွါးခဲ့ရာ မင်းပြားမြို့မဈေးကြီးတခုလုံးမှာ မီးလောင်ပြာကျသွားကြောင်း သိရသည်။

အဆိုပါ ဈေးကြီးမှာ မင်းပြားမြို့၏ အဓိက မြို့မဈေးကြီးဖြစ်ပြီး ဈေးတခုလုံး လောင်ကျွမ်းသွားသောကြောင့် ကာလပေါက်ဈေးတန်ဖိုးအားဖြင့် အနည်းဆုံး သိန်းပေါင်း တသောင်းခန့် ရှိနိုင်ကြောင်း မြို့ခံများအပြောအရ သိရှိရသည်။
မည်ကဲ့သို့ မီးစတင်လောင်ကျွမ်းသည်ကို အတိအကျပြေဆိုရန် ခက်ခဲ့သော်လည်း လျှပ်စစ်ပစ္စည်း ရောင်းဝယ်သည့် ဆိုင်တဆိုင်မှ စတင်လောင်ကျွမ်းခြင်းဖြစ်သည်ဟု တခြား ဒေသခံတဦးက ဆိုသည်။

ကိုးကား။ http://www.narinjara.com

မြန်မာနိုင်ငံနှင့် အိန္ဒိယ ကုန်သွယ်ရေး

၁၈ အောက်တိုဘာလ ၂၀၁၁

တရားဝင် ထုတ်ပြန်ထားတဲ့ ကိန်းဂဏန်းတွေအရ ၂၀၁၀-၂၀၁၁ ဘဏ္ဍာရေး ကာလအတွင်း မြန်မာနိုင်ငံနှင့် အိန္ဒိယ နိုင်ငံကြား အပြန်အလှန် ကုန်သွယ်မှု တန်ဘိုးဟာ အမေရိကန်ဒေါ်လာ သန်းပေါင်း ၁,၀၀၀ ကျော်ရှိနေပြီး၊ မြန်မာနိုင်ငံက အိန္ဒိယကို တင်ပို့တဲ့ ပမာဏဟာ သန်းပေါင်း ၈၇၀ ကျော် ရှိသလို၊ အိန္ဒိယဘက်က မြန်မာနိုင်ငံကို တင်ပို့နေတဲ့ ကုန်ပစ္စည်း တန်ဘိုးကတော့ သန်းပေါင်း ၁၉၀ ကျော် ရှိပါတယ်။ မြန်မာနိုင်ငံဘက်က အဓိကအနေနဲ့ ပဲအပါအ၀င် စိုက်ပျိုးရေးနဲ့ သစ်တော ထွက်ကုန်တွေကို တင်ပို့နေတာ ဖြစ်သလို၊ အိန္ဒိယနိုင်ငံ ဘက်ကတော့ ဆေးနဲ့ ဆေးဘက်ဆိုင်ရာ ပစ္စည်းတွေ အဓိက တင်သွင်းနေတာပါ။

မြန်မာနိုင်ငံနဲ့ တရုတ်နိုင်ငံ ကုန်သွယ်မှု ပမာဏ သန်းပေါင်း ၄,၄၀၀ ရှိပါတယ်။

Source: http://www.voanews.com/burmese/news/economy/burma-india-economic-tie-131864768.html