ငွေသတင်း၊ ရွှေသတင်း

ငွေသတင်း

၂၀၀၉ နိုဝင်ဘာ ၄ ရက်နေ့ တွင် အမေရိကန် ၁ ဒေါ်လာကို ဝယ်ဈေး ၉၈၅ ကျပ်ဖြစ်ပြီး ရောင်းဈေး ၉၉၃ ကျပ်ဖြင့် ဈေးပိတ်ခဲ့သည်။
ယခင်လ ဒုတိယပတ်မှစ၍ ကျပ်ငွေတန်ဖိုး တက်လာခြင်းဖြစ်ပြီး အမေရိကန် တဒေါ်လာလျှင် ၉၉၀ နှုန်း ဖြင့် ရောင်းချခဲ့ကြသည်။ ယင်းမတိုင်မီက တဒေါ်လာလျှင် ၁၀၃၀ ကျပ်နှင့်အထက်တွင် ရှိခဲ့သည်။

၂၀၀၁ ခုနှစ်က တဒေါ်လာလျှင် ၉၀၀ ကျပ်ဝန်းကျင်အထိ ဈေးပေါက်ခဲ့ဖူးပြီး တထောင်ကျော်တွင်သာ အပြောင်းအလဲရှိနေရာမှ ယခု တထောင်အောက် ထပ်မံရောက်ရှိသွားသဖြင့် မြန်မာကျပ်ငွေသည် ၈ နှစ်အတွင်း အမြင့်ဆုံးသို့ ရောက်ရှိနေခြင်း ဖြစ်သည်။

ရွှေသတင်း

ကမ္ဘာ့ရွှေဈေး မြင့်တက်မှုနှင့်အတူ လိုက်တက်လာခဲ့သော မြန်မာ့ရွှေဈေးသည် ၂၀၀၉ နိုဝင်ဘာလ အတွင်း  မြန်မာနိုင်ငံ သမိုင်းတလျှောက် စံချိန်တင် ဈေးနှုန်းဖြစ်သည့်  ၆ သိန်း ၁ သောင်း ၃ ထောင်ကျော် သို့ ရောက်ရှိခဲ့သည်။

”နိုဝင်ဘာ ၂၃ ရက်နေ့မှာ ရွှေဈေးက ၆ သိန်းကို စရောက်တယ်။ နောက်နေ့ကျတော့ ၆ သိန်း ၁ သောင်းလောက်အထိ ခုန်တက်သွားတယ်။ ၂၆ ရက်နေ့မှာတော့ ၆ သိန်း ၁ သောင်း ၃ ထောင့် ၅ ရာနဲ့ အမြင့်ဆုံး ဖြစ်သွားတယ်။ နောက် နည်းနည်း ပြန်ကျသွားပြီး ဒီနေ့မနက်တော့ ၆ သိန်း ၉ ထောင်နဲ့ ဈေးဖွင့်တယ်” ဟု ရန်ကုန်မြို့ရှိ နာမည်ကြီး ရွှေဆိုင်ကြီးတခုက ဆိုသည်။

ကမ္ဘာ့ရွှေဈေး စံချိန်တင် မြင့်တက်နေသော်လည်း အမေရိကန် ဒေါ်လာနှင့် မြန်မာငွေ လဲလှယ်နှုန်းမှာ ၈ နှစ်တာ ကာလအတွင်း အနိမ့်ဆုံးသို့ ရောက်ရှိနေသဖြင့် ရွှေဈေးတက်ရခြင်းမှာ ပြည်တွင်းဝယ်လိုအား များသောကြောင့် ဖြစ်သည်ဟု ၎င်းက ဆိုသည်။

ယခင်က မြန်မာ့ရွှေဈေးသမိုင်းတလျှောက် ၆ သိန်းထက်သို့ နှစ်ကြိမ် ရောက်ခဲ့ဖူးပြီး ၂ဝဝ၈ ခု စက်တင်ဘာတွင် ကမ္ဘာ့ရွှေဈေး တအောင်စကို အမေရိကန်ဒေါ်လာ ၁ဝဝ၅ အထိ ဖြစ်သွားကာ၊ အမေရိကန်ဒေါ်လာနှင့် မြန်မာငွေလဲလှယ်နှုန်း ၁၂ဝဝ ကျော် ဖြစ်သွားခဲ့သောကြောင့် ရွှေဈေးမှာ ၆ သိန်း ၃ ထောင်အထိ ရောက်ခဲ့ကြောင်းနှင့် ထိုကာလသည် ရွှေဝါရောင်တော်လှန်ရေး နှစ်ပတ်လည် ကာလလည်း ဖြစ်သောကြောင့် နိုင်ငံရေးလှုပ်ရှားမှု သတင်းဂယက်များလည်း ရှိသဖြင့် ထိုမျှမြင့်တက်သွားခဲ့ကြောင်း မြန်မာနိုင်ငံ ရွှေလုပ်ငန်းရှင်များ အသင်း မှတ်တမ်းမှတ်ရာများကို ကိုးကားပြီး အသင်းအမှုဆောင်တဦးက ပြောသည်။

ဒုတိယအကြိမ်မှာ ပြီးခဲ့သည့် ၂၀၀၉ စက်တင်ဘာလ ၅ ရက်နေ့ တွင် ထောင်တန်များ ထုတ်ဝေမည်ဟု သတင်းကြေညာပြီး နောက်တနေ့တွင် ၆ သိန်း ၃ ထောင်အထိ ဈေးတက်သွားခဲ့ပြီး နောက်တနေ့တွင် ၆ သိန်းအောက်သို့ ပြန်လည်ရောက်ရှိသွားခဲ့သည်။

ကိုးကား။ http://mizzimaburmese.com/

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>