အသည်းကွဲနေရင်

“လူတိုင်း အချစ်နဲ့ မကင်းနိုင်ကြဘူး” လို့ ပြောလေ့ရှိကြပါတယ်။ အချစ်နဲ့ မကင်းနိုင်ကြတဲ့အတွက် အချစ်ရဲ့ နောက်ဆက်တွဲ ကောင်းကျိုးတွေကို ခံစားရသလို ဆိုးပြစ်တွေကိုလည်း ရင်ဆိုင်ကြရမှာပါပဲ။ အဲဒီအထဲမှာ အသည်းကွဲခြင်းဆိုတာလည်း ပါတာပေါ့နော်။ ကျွန်မကတော့ အသည်းကွဲခြင်းကို အချစ်ရဲ့ ဆိုးပြစ်ထဲမှာရော ကောင်းကျိုးထဲမှာပါ မထည့်ချင်ပါဘူး။ ရင်နဲ့အမျှ ဆိုးဆိုးရွားရွား ခံစားနေရတဲ့ကြားက သူဟာ ကောင်းကျိုးတွေကိုပါ သယ်ဆောင်လာတတ်လို့ပါ။ “ဒီလောက် ခံစားနေရတာကို ဘာများကောင်းတာ ရှိဦးမှာလဲ”လို့ မေးချင်စရာပါပဲ။ ဒါပေမယ့် အဲဒီခံစားနေရတဲ့ ဒဏ်ကို တန်ပြန်တွန်းလှန်ရင်း ရလာတဲ့အားကို အရယူတတ်ရင် ကိုယ့်ဘ၀အတွက် တိုးတက်မှုတစ်ခုခု အောင်မြင်မှုတစ်ခုခုကို ရတတ်လို့ပါ။ ဝေဒနာမှန်ပေမယ့် ကုစားတတ်ရင် ကိုယ့်အတွက် အကျိုးရှိစေမယ့် ဝေဒနာတစ်မျိုးလို့ပဲ ထင်မိပါတယ်း)

ဒီအတွေးကို အသည်းကွဲနေရင် ဘယ်လိုကုစားရမလဲ ဆိုတဲ့ အချက်လေးတွေကို ဒီနေရာက ဖတ်မိရင်း ရလာလို့ ဘာသာပြန်ပြီး မျှဝေပေးလိုက်ပါတယ်။

၁) ကိုယ့်ခံစားချက်ကို အသိအမှတ်ပြုပါ ~ ဆိုလိုချင်တာက ကိုယ့်ရင်ထဲမှာ ခံစားနေရပါရက်နဲ့ ကိုယ်ဘာမှမဖြစ်သလို ဟန်ဆောင်ပြီး မနေသင့်ပါဘူး။ ငိုတာဟာ ဘာမှမှားယွင်းတဲ့ ကိစ္စမဟုတ်ပါဘူး။ (ဒီနေရာမှာ ကျွန်မ ယောက်ျားလေးတွေကိုရော စိတ်မာတဲ့ မိန်းကလေးတွေကိုပါ ပြောချင်တာက ငိုချင်စိတ်ပေါက်လာရင် ငိုသာငိုချ ပစ်လိုက်ပါ။ လူတွေရှေ့မှာ မာနနဲ့ တင်းထားမိရင်တောင် ဘယ်သူမှ မရှိတဲ့နေရာမှာ တိတ်တိတ်လေး ငိုလို့ရပါတယ်။ ငိုဖို့အတွက် မျက်ရည်ဆိုတာ ကျွန်မတို့ လူသားတွေရဲ့ စိတ်ထွက်ပေါက်အတွက် သဘာဝက ပေးထားတဲ့လက်ဆောင် တစ်ခုပါ။ ဒါကြောင့် မိန်းကလေးရော ယောက်ျားလေးပါ အသုံးပြုခွင့်ရှိပါတယ်။)

၂) ကိုယ့်ကိုဂရုစိုက်တဲ့လူတွေနဲ့ ဆက်သွယ်ပါ ~ ကိုယ့်ခံစားချက်တွေကို သူတို့တွေနဲ့ မျှဝေရင်ဖွင့်ပါ။ ဒီလိုအချိန်မျိုးမှာ ကိုယ့်ကို သူတို့ပံ့ပိုးပေးနိုင်တဲ့ အားကို လျော့မတွက်ပါနဲ့။ (ကိုယ့်ခံစားချက်ကို ပြက်ရယ်မပြုတတ်တဲ့ ကိုယ်တကယ် ယုံကြည်ရတဲ့သူ ဖြစ်ဖို့တော့ အရေးကြီးတယ်လို့ ကျွန်မထင်ပါတယ်။)

၃) ကိုယ့်ကျန်းမာရေးကို ဂရုစိုက်ပြီး လေ့ကျင့်ခန်းတွေလည်း ပုံမှန်လုပ်ပါ ~ အသည်းကွဲနေတဲ့ အချိန်တွေမှာ ကျန်းမာရေးကို ဂရုစိုက်ဖို့ မေ့လျော့နေတတ်ကြပါတယ်။ ကိုယ်သာ ဂရုမစိုက်မိရင် ကျန်းမာရေး အခြေအနေ ပိုဆိုးသွားတတ်ပါတယ်။ (အသည်းကွဲနေတုန်း နေမကောင်းဖြစ်ရတာ တော်တော့ကို နာကျင်ခံစားရတဲ့ ကိစ္စပါပဲ။)

၎) တစ်ချို့လူတွေကတော့ ခရီးသွားရတာ ကြိုက်ကြပါတယ်။
(ခရီးသွားတာ ကြိုက်တဲ့လူတွေအတွက်တော့ စိတ်ပြေလက်ပျောက်ဆိုသလို ပတ်ဝန်းကျင် အပြောင်းအလဲ အာရုံအပြောင်းအလဲ ဖြစ်အောင် ခရီးသွားတာဟာလည်း စိတ်သက်သာရာ ရစေမှာပါ။ ခရီးသွားရတာ မကြိုက်တဲ့ ကျွန်မလို အိမ်တွင်းအောင်းတတ်သူတွေ အတွက်ကတော့ သိပ်ကောင်းတဲ့ အကြံဥာဏ် မဟုတ်ပါဘူး။ ခရီးကလည်းပန်းသေး အသည်းကလဲကွဲသေးဆိုရင် ပိုပြီး စိတ်ပင်ပန်း လူပင်ပန်း ဖြစ်ရတာပဲ အဖတ်တင်မှာပါး)

၅) အသည်းကွဲခြင်းကို ဖြတ်ကျော်ဖို့အတွက် အကောင်းဆုံး နည်းလမ်းကတော့ ကိုယ်တကယ် နှစ်သက်တာ တစ်ခုခုကို လုပ်နေတာပါပဲ။ ကိုယ့်ဝါသနာတစ်ခုခု (သို့) ကိုယ့်ရဲ့အလုပ် (သို့) တခြားဘာမဆို ဖြစ်နိုင်ပါတယ်။ ကိုယ့်ဘာသာ တစ်ခုခုနဲ့ အလုပ်ရှုပ်နေရင် အသည်းကွဲတာကို ပိုပြီး မြန်မြန်ဆန်ဆန် ဖြတ်ကျော်နိုင်မှာပါ။ (ကျွန်မ ဒီPostရဲ့ အစပိုင်းမှာ ပြောခဲ့တဲ့ အသည်းကွဲတာကို ကုစားရင်းနဲ့ တိုးတက်မှုရတတ်တယ် ဆိုတာ ဒီအချက်နဲ့ ဆက်စပ်နေပါတယ်။ အသည်းကွဲတဲ့ဒဏ်ကို အလုပ်ထဲမှာ နှစ်မြုပ်ကုစားရင်းနဲ့ အလုပ်မှာ အောင်မြင်သွားတဲ့လူတွေ၊ ကိုယ့်ချစ်သူ (သို့) ချစ်ရသူအတွက် ခံစားချက်တစ်ခုခု ကြောင့် အပြင်းအထန်ကြိုးစားရင်းနဲ့ ထူးချွန်သွားတဲ့လူတွေ ကျွန်မတကယ်ပဲ တွေ့ဖူးလို့ပါ။)

ဒီဆောင်းပါးလေးမှာ နောက်ဆုံးရေးထားတာက ကိုယ့်ကိုကိုယ် အချိန်ပေးပါတဲ့။ ဒီလိုအရာမျိုးက ခပ်မြန်မြန်ကုစားလို့ မရပါဘူးတဲ့။ ကိုယ့်ချစ်သူကို တကယ်မပြတ်နိုင်လို့ ပြန်ဆက်သွယ်ချင်တယ် ဆိုရင်လည်း ဇာတ်လမ်းကို ပြန်မစခင်မှာ အရင်ကအမှားတွေကို ပြန်ဆင်ခြင်ပြီး သေချာပြင်ဆင်ပြီးမှ ပြန်စသင့်ပါတယ်တဲ့ရှင်။

အသည်းကွဲဖို့ပဲ ကံပါလာခဲ့ရင်လည်း ရှောင်လွှဲလို့ မရမဲ့အတူတူ အဲဒီက အားကိုယူပြီး ကြိုးစားနိုင်ရင် ကိုယ့်ဘ၀ရဲ့ အချိုးအကွေ့ကောင်း တစ်ခုကိုတောင် ဖန်တီးနိုင်မှာပါ။ အဲဒီလောက်အထိ မလုပ်နိုင်ဘူး ဆိုရင်လည်း အနည်းဆုံးတော့ ကိုယ်အဆုံးအစမရှိ ခံစားနေရတာတွေကနေ သက်သာအောင်တော့ ကိုယ့်ကိုကိုယ် ကယ်တင်နိုင်မှာပါ။ ကျွန်မကတော့ အသည်းမကွဲဖူးလို့ လွယ်လွယ်လေး ပြောနေတာလို့ မထင်စေချင်ပါဘူးရှင်။ စာနာစိတ်တစ်ခုနဲ့ အားလုံးကို စိတ်သက်သာရာ ရစေချင်တဲ့ စေတနာထားပြီး ရေးလိုက်တာပါး) ငိုတဲ့အချိန်လည်း ငိုပေါ့နော်။ ပြီးရင်တော့ ဘ၀အတွက် ရှေ့ဆက်ကြရမှာပါပဲ။ ခံစားချက်ကို ကိုင်တွယ်ရတာဆိုတော့ ခက်ချင် ခက်မှာပေါ့ရှင်။ ဒါပေမယ့် ဘာဖြစ်လို့ မလုပ်နိုင်ရမှာလည်း။ ကျွန်မတို့အားလုံး စွမ်းဆောင်နိုင်တဲ့ လူသားတွေပဲနော်…း)

မှတ်ချက်။ ။ http://shwepyithu.blogspot.com/ ကနေ ကူးယူထားတာပါ။

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>